Plantun de Prouvènço

Pèr coumpara dos planto d'encò nostre

Geropogon hybridus & Hydrocotyle vulgaris

Sarsifi(-bastard)

Geropogon hybridus

Asteraceae Compositae

Autre noum : Salsifi.

Nom en français : Salsifis hybride.

Descripcioun :
Lou sarsifi-bastard sèmblo un pichot barbabou pèr la "flour", pamens èi mai proche d'un sarsifi emé si proumiéri fueio en lanço. Au contro d'aquésti dos planto, trachis dins l'an. Se vèi dins lis ermas e li meissoun, subretout dins noste relarg de "basso Prouvènço". Èi marcado sus la listo roujo, categourìo vulneràri : VU.

Usanço :
Dèu èstre bon en ensalado, pamens, estènt uno planto proutegido, la vau miés pas acampa.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Geropogon
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Roso
Petalo : >6
Ø (o loungour) flour : 2,5 à 4 cm
Flourido : Printèms

Sòu : Ca
Autour basso e auto : 0 à 400 m
Aparado : Noun
Mai à jun

Liò : Ermas - Meissoun - Culturo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Geropogon hybridus (L.) Sch.Bip., 1844

Erbo-di-granouio

Hydrocotyle vulgaris

Araliaceae

Noms en français : Écuelle-d'eau, Hydrocotyle commun.

Descripcioun :
L'erbo-di-granouio es uno planto di proun raro en Prouvènço. S'atrobo pamens encaro en Camargo. Es uno planto que rebalo au sòu e que fai de fuieo que douno d'èr à-n-aquéli de l'escudeleto, Umbilicus rupestris. Li flour, sènso petalo soun pichouneto (1,5 à 2 mm), groupado en enflourejado de 3 à 5 cm.

Usanço :
Li fueio soun manjadisso, mai n'en sabèn pas mai.